Nilooban ang bahay namin kagabi.
Pero hindi ko man lang namalayan.
Masyado kasing komportable ang pagkakahiga ko sa aking kama. Tulog mantika. Mabuti na lamang at walang masamang nangyari at nahuli sa akto ang magnanakaw.
Dumaan siya sa basement. Sa maliit na bintana sa kwarto ng kuya ko. Siguro ay first time niyang ginawa ito or matagal na niyang ginagawa kaso minalas lamang ngayon kaya ngayon nahuli siya. Wala siguro siyang ganoong lakas para mabuksan ang pinto o ang mga bintana kaya ipinagsiksikan na lang niya ang sarili sa maliit na bintanang iyon.
Marahil nagpaanic siya kaya nagising ang kuya ko. Ang gago, tatanga-tanga.
Ang nakakalungkot sa lahat ay kakilala pa naman namin siya. Malapit siya sa amin. Tinanggap namin siya sa aming bahay pero hindi namin inaasahang gaganituhin niya kami. Nakakagulat lamang na sa murang edad ay nagawa na niya ito.
Hindi na namin pinaalam sa mga pulis ang nangyari. Magdudulot lamang ito ng malaking eskandalo. Siguro naman ay hindi na niya uulitin ang ginawa niya. Sana.
Mabuti na lamang at nang magising ang kuya ko sa mga kaluskos niya ay nasa tabi lamang niya ang kanyang cellphone kaya nakuhanan niya ito sa akto. Narito ang salarin:
Aha! Huli ka!
At ngumiti pa sa kamera!
